Gobernador a firma e cambionan haci den ley di all inclusive

ORANJESTAD - E cambionan haci den "vergunningsverordening" mihor conoci como e ley di all inclusive a wordo firma pa Gobernador recientemente. E ley aki tambe ta trece regulacion pa "other accomodtions" (aparatamentto, villa, condominiums etc. cu ta wordo gehuur na turista). Awor "other accommodations"  tambe lo mester paga e porcentahe di belasting cu ta pertenece na nan tipo di negoshi, cu esaki lo tin mas control y lo percura cu tur cu ta huur camber of otro tipo di acomodacion ta cumpli cu nan deber fiscaal.

Na augustus 2016 e ley di all inclusive a wordo aproba den Parlamento, cu esaki gobierno kier a regula e cantidad di cambernan all inclusive riba e isla, mirando cu nos economia ta depende pa casi 90% di turismo. Cu e regulacion aki ta mantene un balans entre e diferente tipo di acomodacion y tambe ta haci cu tur stakeholder (restuarantnan, taxista, watersport etc.) ta keda disfruta di e beneficionan di e industria turistico.

Ministerio encarga cu turismo ta para tras di e cambio aki cu sigur lo beneficia nos turismo y ta algo na bienestar general di Aruba.