Meteo: Ola tropical drentando region den 24 ora, lo aumenta chens pa awacero pa Aruba

ORANJESTAD - Situacion di tempo segun servicio meteorologico ta lo siguiente. Pa dialuna anochi: levemente te parcialmente nubla y generalmente seco. Diamars: parcialmente te temporalmente hopi nubla cu un awacero localmente.

Temperatura maximo 34 grado celsius y temperatura minimo 28 grado celsius.

Solo lo baha awe nochi 06:33 pm y lo sali mayan mainta 06:29 am.

Biento:

For di generalmente direccion oost y modera te basta fuerte;

Forsa 3 te 5 ( 12 te 39 km/ora, 7 te 21 nudo)

Den dia fuerte den rafaga;

Forsa 6 (40 te 50 km/ora, 22 te 27 nudo);

Situacion general di tempo:

Un ola tropical actualmente den parti oost central di Caribe lo move den region local durante proximo 24 ora y lo aumenta e probabilidadnan di awacero riba isla di Aruba.

Condicion di lama:

Olanan di lama lo ta for di direccion oost cu haltura di 3 te localmente 5 pia

Temperatura di superficie di lama 29 grado celsius.

Fenomenonan special: ningun

Tempo tropical:

-Karl a bira extra tropical y lo no wordo nombra mas den boletin di tempo.

-Un ola tropical bon forma riba atlantico central, tin un chens grandi di bira un ciclon tropical den proximo 48 ora