Ex miss Corsou Eline de Pool laga den libertad

WILLEMSTAD - Ex miss Corsou Eline de Pool a keda laga den libertad. Den un reacion pa NoticiaCla.com, su abogado Marije Vaders a reacciona di e forma aki "Mi cliente a wordo poni den libertad caba fo'i 11or di mainta y e no a haci nada robes". Esaki ta basa riba e informacion anterior cu a haci mencion di cu de Pool a keda deteni den oranan di marduga. "Mi cliente a wordo interoga door di polis y por a bay su cas despues mesora" Vaders a sigui bisa. "Tur e informacionnan cu a sali den prensa cu mi cliente tabatin un shotgun den su poder of cu elo ta tin algo di haber cu un tiroteo ta completamente falso" e abogado a sigui bisa. "Mi cliente no ta tin un arma di candela den su posecion ni den auto y e no sa absolutamente nada di un tiroteo. Mi cliente aworaki ta na cas caba den compania di su famia" Vaders a finalisa bisando.