Intento di atraco arma marduga na Seroe Biento

ORANJESTAD - Diadomingo madruga pa 3:20, central di polis a haya un yamada bisando cu na un cas na Seroe Biento, dos desconoci a drenta e cas y purba atraca nan. Asina vocero suplente di polis Liliana Rasmijn a confirma na NoticiaCla.com Esaki a sosode net ora cu un di e personanan tabata drumi y e otro lanta den e cas. A manda patruya di biaha na e adres menciona. Eynan e habitantenan di e cas , - dos ruman homber- ta conta con dos hende homber desconoci pa nan y cu un arma di candela a drenta e cas y pidinan pa habri e caha fuerte. E habitantenan a keda para riba cu nan no sa e combinacion y eynan e atracado cu e arma di candela a pidi pa e cellular. Na un dado momento a cuminsa un bringamento cu e atracado na unda un di esnan n'e cas a haya un sla den pecho cu e cabo di e arma. Despues e dos atracadornan a core sali for di e porta patras. E habitantenan no sa si na pia of cu auto. E dos atracadornan tawata papia spaño y no ta tin cara tapa y nan tabata color di cuero bruin.  Un tawatin un t-shirt berde bisti cu un bermuda short berde scur cu slof. E otro tawata bisti cu un pechi, t-shirt y bermuda short color scur. Nan no a logra bay cu nada. Atraco team a presenta hunto cu slachtoffer hulp na e cas. E caso ta bou investigacion. Ken cu por a wak algo yama  tiplijn di polis 11141.