Acoya Hotel celebrando aniversario cu apertura di varios facilidad nobo

WILLEMSTAD - Celebrando su Segundo aniversario, ACOYA Hotel Suites and Villas lo tin e gran apertura di su “ACOYA Fun Zone” riba 3 di november 2016. Hunto cu e bunita y espacioso Deluxe Rooms, Apartamentonan, Villas, Villas cu pisina priva, e “Readers Room I “Zen Event Center”, ACOYA ta introduci su restaurant nobo “La Lagoon”, su “Lotus Spa” renoba y dentro di poco lo bini cu detayenan di e prome facilidad Multi Deportivo den un hotel na Corsou “Epsilon Multi Sports”.

Sra. Sam van Dommelen, Cordinadora di Actividad y Evento ta bisa: “ACOYA Fun Zone, e nomber mes ta bisa tur cos, un zona completamente pensa y crea unda tin alegria y entretenimento pa muchanan for di un edad jong! Na final, si mucha ta den un ambiente sigur, unda nan por hunga, desaroya nan mes den diferente manera y tur cos ta draai rondo di entretenimento, esey ta haci nan contento! No solamente e adultonan ta nos prioridad, pero sigur e muchanan tambe, nan ta nos futuro di mayan!”

Sr. Mahesh Daswani, Director General di ACOYA  a bisa: “Tabata un di dos aña fabuloso pa nos y e isla di Corsou. Nos lo kier gradici e comunidad lokal y biaheronan internacional pa nan apoyo y entusiasmo. Nos ta determina pa continua sirbiendo nos hendenan lokal y internacional na ACOYA I lo sigui haci nos maximo esfuerso pa alcansa excelencia cu e adicion di nos facilidadnan nobo”.  

Sr. Daswani ta agrega, “Nos ta orguyoso di forma parti di Corsou su turismo y specialmente finalisando tur nos facilidadnan dentro di 2 aña. Mi ta mirando asina tanto desaroyonan positivo den turismo anto sperando di por haña mas buelonan directo for di destinacionnan importante pa nos isla. Nos lo kier gradici CTB, CHATA, y nos comunidad local pa nan apoyo, tambe na prensa di Corsou, Merka, Canada, Aruba, Bonaire, Isla Riba, Venezuela, Colombia, Hulanda y Alemania pa duna nos exposure pa medio di blogs, articulonan y publicidad. Nos ta kere cu ta importante pa reinventa nos mes riba un base regular, continua invertiendo den nos empleadonan y tambe den actividadnan pa nos huespetnan pa laganan sinti nan mes na cas”. 

ACOYA ta un bon opcion pa pareha, famia, di negoshi y grupo. Tambe ACOYA ta “pet friendly”.  ACOYA ta duna e miho nivel di hospitalidad cu un “tropical retreat” por ofrece. Contando cu acomodacionnan moderno, e ta tambe un miembro di e prestigioso Ascend Hotel Collection di Choice Hotels International Inc.