- Hof a reduci e suma cu ex minister Croes mester paga bek di expropiacion
- Corte na Hulanda a rechasa peticion di dr Braam pa limpia su carchi di castigo
- Gobernador di Los Angeles cu critica riba actuacion laat di polis contra demonstracionan
- Parlamento a ‘schedule’ tratamento di ley matrimonio mesun sexo pa otro siman diabierna!
- Wever-Croes: Parlamentarionan di MEP por vota segun nan consenshi pa ley di matrimonio mesun sexo
Caso den corte 'Kip Rollade' posponi te merdia
ORANJESTAD - E caso di placa den galiña (Kip Rolade), cu prominente di Hulanda y di Aruba a keda posponi te diabierna merdia debi cu e buelo di abogado di sospechoso R.G a keda cancela. E caso ta poni pa cuminsa 1:30 pm awe tardi.
E CASO
E caso tabata programa pa cuminsa awe mainta 8.30'or contra e sospechosonan R.G, R.F.H.M.H. y J.d.S. E caso aki a cuminsa lora na juni 2015 cu descubrimento di un container cu a bin for di Hulanda cu 2,7 miyon euro scondi den rollade di galinja. E container tabata na caminda pa Venezuela. Den huiszoekingnan na Aruba a haya un adicional 400.000 euro. A detene e sospechosonan ya menciona (D.S. a wordo deteni despues) y tambe un sospechoso di Husticia Hulandes den e caso aki, di inicialnan H.v.R. E investigacion tin su pata Hulandes tambe. Den huiszoekingnan na Hulanda a haya 700.000 euro.
ACUSACION
G. ta wordo acusa di, den e periodo di prome di juni 2013 te 30 di juni 2015 na Aruba y/of Hulanda y/of Venezuela, conhuntamente cu un otro of otronan, a haci un custumber di laba placa dor di sconde e naturaleza y/of origen y/of descendencia y/of vervreemding y/of transporte berdadero di sumanan di placa cash di un total di ongeveer 23.352.500 euro (suma principal) y/of 2.833.340 euro (transporte di 23 di juni 2015) y/of 467.050 euro comision y/of di a sconde ken ta doño(nan) y/of den ki mannan e sumanan aki a pasa, dor di (entre otro) tuma e sumanan aki den scondi y/of paketa nan den papel y/of plastic y/of sconde nan den galiña y/of paketa nan den caha y/of siguientemente warda nan den freezer di un compania na Hulanda y/of pone nan den container meymey di otro cosnan y/of transporta nan pa Aruba y/of warda nan den freezer di un negoshi y/of entrega nan na e otro sospechosonan y/of transporta nan na Venezuela y/of bestel cada biaha e galiña riba nomber di un compania na Aruba y/of factura nan dor di e compania na Hulanda na esun na Aruba y/of pone den e documentacion cu e galiña ta destina pa e compania na Aruba y/of (comision) tuma e sumananan den scondi y/of paketa nan den papel y/of plastic y/of sconde nan den galiña y paketa nan den caha y warda nan den freezer di un compania na Hulanda y/of pone nan den container y/of transporta nan pa Aruba destina pa su mes y/of sconde nan bou di flur na su cas y/of a haci uzo di e sumananan mientras cu e tabata sa cu ta placa procedente di crimen.
H. ta wordo acusa di, den e periodo di prome di juni 2013 te 30 di juni 2015 na Aruba y/of Hulanda y/of Venezuela, conhuntamente cu un otro of otronan, a haci un custumber di laba placa dor di sconde e naturaleza y/of origen y/of descendencia y/of vervreemding y/of transporte berdadero di sumanan di placa cash di un total di ongeveer 23.352.500 euro (suma principal) y/of 2.833.340 euro (transporte di 23 di juni 2015) y/of 467.050 euro comision y/of di a sconde ken ta doño(nan) y/of den ki mannan e sumanan aki a pasa, dor di (entre otro) tuma e sumanan aki den scondi y/of paketa nan den papel y/of plastic y/of sconde nan den galiña y/of paketa nan den caha y/of siguientemente warda nan den freezer di un compania na Hulanda y/of pone nan den container meymey di otro cosnan y/of transporta nan pa Aruba y/of warda nan den freezer di un negoshi y/of entrega nan na e otro sospechosonan y/of transporta nan na Venezuela y/of bestel cada biaha e galiña riba nomber di un compania na Aruba y/of factura nan dor di e compania na Hulanda na esun na Aruba y/of pone den e documentacion cu e galiña ta destina pa e compania na Aruba y/of (comision) tuma e sumananan den scondi y/of paketa nan den papel y/of plastic y/of duna nan den deposito cerca su ruman(nan) na Hulanda y laga un di nan entrega esaki na otro personanan y/of sconde nan den galiña y/of paketa nan den caha y warda nan den freezer di un compania na Hulanda y/of pone nan den container y/of transporta nan pa Aruba destina pa su mes y/of a haci uzo di e sumananan mientras cu e tabata sa cu ta placa procedente di crimen.
INTERES DI PRENSA
E caso tin interes di prensa Hulandes, tambe pasobra e sospechoso H.v.R. ta procedente di un famia prominente na Hulanda. Un periodista di corant di e provincia di Limburg (for di unda e famia aki ta bin) ta na Aruba pa cubri e caso. NOTA: Foto ta di archivo di O.M, ora cu e caso a keda descubri aña pasa.
Hof a reduci e suma cu ex minister Croes mester paga bek di expropiacion
ORANJESTAD – Corte di apelacion a mantene e sentencia original di expropiacion di ex minister Paul Croes diahuebs como parti di e caso Ibis, cu un cambio si. Envez di paga AWG 183.489,10 bek, e ta haya un reduccion di 20 mil. Pues e mester paga e suma di AWG 163.489,10 mil florin, of sinta un castigo di prison di 18 luna extra di loke e ta sintando aworaki caba. No ta conoci si Croes lo apela, y e abogado Desiree Croes lo a comunica y delibera cu su cliente mas laat awe riba esaki.
Pa prome biaha a aplica proceso di ‘snelrecht’ na Aruba
Aruba lo no extradita personanan pa un pais cu tin pena di morto como castigo
Doño di cacho abusa ‘Khaleesi’ ta dilanti huez fin di mei
ORANJESTAD – E persona doño inicial di e cacho Blacky cu a haya e nomber despues di Khaleesi, mester presenta dilanti huez dia 22 di mei proximo. Asina corte a informa diahuebs ultimo. Ta trata di e ciudadano Alberto Groeneveld. Ora cu e caso a bira conoci, esaki a haya masha hopi reaccion di comunidad, cu a desemboca finalmente den un caminata di protesta contra maltrato di bestia. Groeneveldt ta wordo acusa di, den e periodo di prome di januari 2024 te 26 di maart 2024, varios biaha y sin ningun meta y surpasando tur loke ta permiti, a intencionalmente haci un bestia (un cacho di nomber Khaleesi) dolor y/of causa e cacho herida y/of a perhudica salud di e cacho, dor di laga e cacho pa tempo largo mara na un cadena demasiado cortico y inadecua y/of a keda sin duna e cacho e cuido necesario, dor di keda sin duna e cacho cuminda y/of awa pa e bebe y/of cuido pa su heridanan y/of remedi.
Ultimatum pa dicidi riba suma cu radionan mester paga DUCAPRO tur luna, a vence sin resultado
ORANJESTAD – E asosacion di radio na Aruba (Aruba Broadcasting Association-ABA) y e fundacion DUCAPRO (registro di derecho di artista y musica) no a haya otro ainda riba e suma cu radionan tin cu paga pa por tin derecho pa toca cierto musica na nan radio. Por lo menos, den forma inoficial ya cu ningun di dos partido ‘oficialmente’ a duna un reaccion. Conforme un caso sumario un luna pasa, huez a ‘suspende’ e caso y a duna partidonan te cu 24 di April (ayera) pa yega na otro riba e suma. Di otro forma, lo mester continua cu e caso y eventualmente dicta un sentencia, cu ta traduci na un suma stipula pa corte cu radionan mester bay paga DUCAPRO pa toca cierto cancionan na nan respectivo emisora.
Otmar Oduber: Testigo principal pa defensa den caso Flamingo no por declara dilanti Huez Comisario
ORANJESTAD – E testigo principal di parti defensa den caso Flamingo, den e caso aki, e hefe di BCI, lo no por declara dilanti Huez Comisario. Asina ex minister Otmar Oduber a declara publicamente diamars. Segun e ex mandatario, Huez Comisario a informa nan diabierna ultimo cu e motibo ta cu salud di e testigono ta permiti.
Follow NoticiaCla
