Artistanan presente pa prome anochi Caribbean Sea Jazz '16

ORANJESTAD - Tur cos ta cla pa e di 10 edicion di Caribbean Sea Jazz Festival e fin di siman aki na Aruba. Durante un conferencia di prensa diahuebs atardi, mayoria di e artistanan invita a presenta nan mes, y ta indica cu nan tin tur animo pa duna tur cu tin diabierna y diasabra anochi riba e Renaissance Arena, cu ta parti den por lo menos 3 scenario. Artistanan manera Tony Succar, Izaline Calister, Robert 'Kool' Bell (Kool & the Gang) y Matt Bianco tur a compromete nan mes pa esaki durante e conferencia. 

E ARTISTANAN

Izaline Calister y Matt Bianco a splica nan experiencia den dia ora cu nan a bishita algun scol pa duna presentacion y a keda encanta cu e loke cu nan a experencia. Calister a keda sorprendi pa haya 500 (envez di 100 ) alumno cla pa forma parti di e evento. A dicidi di improvisa pa asina duna tur hende toch un oportunidad. Pa loke ta Matt Bianco, nan a keda sorpendi tambe, pero no por a corda e nomber di e scol(nan) cu nan a bishita, pero si a keda impresiona cu algun alumno cu a pidi nan pa canta. Robert "Kool" Bell, doño di Kool & the Gang a mustra cu 50 aña e grupo ta existi caba, y tin 4 di e elenco original cu lo ta presentando durante e festival diabierna anochi. Nan tabata na Aruba 14 aña pasa caba, y awor ta bek pero cu un repertorio adapta, y cu algun integrante nobo. Tony Succar, di desendencia Peruano, a splica NoticiaCla.com cu ela keda impresiona cu e cantante Michael Jackson algun tempo atras, y ora cu a puntr'e pa haci un special na Miami despues di su estudio, a hinca den otro, un repertorio di e exitonan di Michael Jackson, pero den ritmo di salsa. Algo cu e lo presenta diasabra anochi riba e scenario principal Padu. E FESTIVAL 

E festival ta cuminsa diabierna anochi cu e artistanan Kool & The Gang, Dumpstaphump, New Cool Collective & Matt Bianco,  Tony Succar latin Show, Caribbo ft Andy Narell ,Franklin Jazz Orchestra, Bonarriba & Croeze, Live X-pressions y Fuente.