McDonald’s ta habri cushina pa su clientenan

ORANJESTAD - Despues di 2 miyon bishita den su cushinanan, McDonald’s ta habri portanan di cushina pa un dia special, pa ofrece mas cliente un bista “behind the scenes” di con ta prepara e hamburgernan mas popular na mundo. Como parti di Global Transparency Week, riba dia 27 di september clientenan tin oportunidad pa bishita e compania cu mas di 2000 restaurant den Latino America pa confirma e proceso di calidad den preparacion di cuminda, conoce e secretonan di e recetanan cu ta contene un sabor di hamburger unico, verifica e frescura di e ingredientenan y desacredita e mitonan cu ta wordo contra regardando e cuminda di McDonald’s.

“Open Doors”, esta “Portanan Habri” ta un programa cu ta refleha e transparencia y calidad di e restaurantnan di McDonald’s. Despues di e tour, clientanan a participa na un encuesta, di cual a resulta cu 7 for di 10 cliente no tabata sa di e reglanan di labamento di man pa empleadonan. Prome cu e tour, tur bishitante a laba nan mannan segun e mesun tecnica cu tur empleado ta uza, cada ora. Un total di 8 for di 10 cliente no tabata sa cu hamburgernan ta traha cu 100% carni di berdad, cu no tin aditivo ni tampoco preservativo agrega. Y riba dje 9 for di 10 a reconoce cu e medidadnan di siguridad di cuminda di McDonald’s – por ehempel, no bruha cuminda curu cu cuminda cushina – ta clave pa prevencion di enfermedadnan.

McDonald’s ta celebra cu 2 miyon persona den paisnan Latino Americano tabatin e oportunidad pa pasa p’atras di nan toonbank pa ta testigo di e compania su compromiso cu e calidad di su cuminda y e proceso di preparacion cuidadoso.

“Transparencia ta genera confiansa y confiansa ta loke ta haci cu nos clientenan ta bolbe. Nos ta orguyoso di nos calidad y ta tin confiansa den nos cuminda. Riba dia 27 di september nos ta invita tur hende pa celebra Dia Internacional di Transparencia cu nos, y pa bishita nos cushinanan pa haya un bista tras di escenario di con nos elementonan di nos menu popular ta wordo prepara, cu e calidad y cuido cu ta bay den cada cuminda na McDonald’s,” asina Sulina Vrolijk, Operation Manager pa Arcos Dorados Aruba a expresa.

Pa participa den Dia Internaciona di Portanan Habri, bishita un di e restaurantnan di McDonald’s riba dia 27 di september y comparti e experiencia riba medionan social uzando e hash tag #OpenDoorsatMc. Pa mas informacion, “Like” McDonaldsCuracaoAruba riba Facebook.