Tapa di motor di avion di Aruba Airlines a los durante buelo

MIAMI/ ORANJESTAD - Un avion airbus A320-200 di Aruba Airlines a haya problema recientemente durante un buelo entre Miami pa Aruba, segun raportahe di e portal 'The Aviation Herald'. Di parti di Aruba, e representante Vanessa Camacho tambe a confirma e informacion aki. Ora e buelo AG-820 di Miami pa Aruba a lanta di pista 08R y tabata den e proceso di subi, e tripulacion a dicidi mesora pa para e subida ora cu a ripara cu parti di e tapa di e motor banda drechi, lo mester a kita. Mesora e piloto a notifica toren di Miami indicando cu tabata parce cu un tapa di motor a bula bay, pero no por a confirma esaki, pasobra e no tabata visibel for di e avion. Tur cos tabata 'parce normal' pero nan a dicidi di bolbe Miami. E avion a aterisa sin problema na Miami riba pista 09, 40 minuut despues di buelo. No tabatin ningun persona herida abordo. E avion mientrastanto ta  den proceso de evaluacion pa expertonan de Airbus pa  determina si tin daño of no y e gravedad di esaki, segun representante di Aruba Airlines Vanessa Camacho a sigura NoticiaCla.com diahuebs mainta. Foto cortesia Aviation Herald.