Wyatt-Ras: Kier trata ley di CITGO den Parlamento dialuna awor

ORANJESTAD - E intencion ta pa Parlamento trata e ley di CITGO dialuna awor. Asina presidente di Parlamento Mervin Wyatt Ras a informa pa medio di un comunicado diamars atardi. Wyatt-Ras a informa cu "mirando e importancia di reapertura di refineria Parlamento ta duna prioridad halto na tratamento di e ley CITGO". "Asina cu e ley titula “Landsverordening voorzieningen heropening olieraffinaderij) a drenta Parlamento, Presidente di Parlamento a yama un seniorenconvent urgente cu tur lider di fraccion pa por palabra un ke otro tocante e procedura pa atende cu e ley aki. Alabes entrante awe mainta gobierno a entrega diferente documento “ter inzage” na Parlamento. Di e forma aki miembronan di Parlamento for di awe por studia e stukken como preparacion" e presidente a bisa. 

COMISION CENTRAL

Parti atardi Presidente di Parlamento a yama un reunion di Comision Central pa por fiha e fecha pa entrega pregunta por escrito pa atende cu ley di CITGO. Esaki paso durante deliberacion cu lidernan di fraccion den Seniorenconvent na final a surgi e preferencia pa entrega nan preguntanan por escrito y a palabra den dicho reunion cu esaki por ta diahuebs awor dia 22 di september. Den e reunion di comision central e presidente a trata esaki pa tur hende ta riba un linea. Alabes ela a haci mencion di un carta cu ela manda, despues di Senioren Convent, a base di peticion di lidernan di fraccion, pa nan por haya stukken den nan poder pa prepara pa tratamento di e ley. Wyatt-Ras a presenta alabes su intencion pa por trata e ley den reunion publico dialuna awor dia .