Abogado di famia Mitch Henriquez kier persigui tur 5 polis

DEN HAAG - Abogado Gerald Roethof lo pidi ministerio publico pa persigui tur 5 agente policial cu tabata envolvi cu e detencion y morto di Arubiano Mitch Henriquez. Asina el a declara na RTL nieuws dialuna mainta. E hecho cu e tres polisnan no a interveni y a pisa riba curpa di Henriquez, a contribui na su morto, segun e abogado.  

PERSIGUI 2 AGENTE SO 

Ta bay persigui dos di e 5 agentenan policial Hulandes envolvi den morto Arubiano Mitch Henriquez, penalmente. Asina ministerio publico na Hulanda a anuncia dialuna mainta. Ta sospecha e dos agentenan di maltrato cu consecuencia fatal. Tambe ta culpa nan di homicidio. Segun ministerio publico, e agentenan no tabatin intencion di mata Henriquez, pero si a uza demasiado violencia. Un di nan a aplica un asina yama 'nekklem' (gara e garganta tene) y e otro a dal Henriquez riba su nanishi y a uza pepperspray. E Arubiano di 42 aña di edad a fayece a consecuencia di stikmento. Fuente RTL Nieuws.