Hopi fayo policial cometi cu detencion di Mitch Henriquez

DEN HAAG - Polis Hulandes a comete hopi fayo durante detencion di e Arubiano Mitch Henriquez. Nan no a solamente want'e den un klem na su garanta, cu no ta corecto, pero nan a uza violencia mucho liher pa domin'e y tabata mucho laat cu asistencia medico. Esaki a sali for di un rapport di dos investigador policial, segun raportahe di e medio Hulandes RTL Nieuws diasabra. Riba peticion di hues comisario, nan mester a investiga e incidente mortal.  

NO A TENE NA PROCEDURA

Durante e detencion, e agentenan policial no a tene nan mes na e procedura fiho cu nan a siña cu mester aplica den casonan asina. Nan a cuminsa cu e proceso ey mucho lihe, no a parti e trabou entre e agentenan, no tabatin mando, y a uza pepperspray robez. Y pa completa e obra, ayudo medico tabata laat. Asina ta poni den e rapport. "E uzo di man duro contra Henriquez tabata 'desproporcional, no modera, y den un forma inexperencia'  un di e dos investigadornan a skirbi. E 5 agentenan policial envolvi, ta sospecha di a uza maltrato pisa cu consecuencia fatal. Dialuna husticia ta dicidi si ta persigui nan of no. E Arubiano Mitch Henriquez (42) a fayece juni aña pasa, posiblemente pa falta di oxigeno, causa pa e actuacion duro di e agentenan cu a detene. Esey a sosode durante un festival musical den Zuiderpark na Den Haag. Foto di Mitch Henriquez for di Facebook.