Corsou a cuminsa sinti efecto di paro general awe mainta

WILLEMSTAD - Corsou awe mainta a cuminsa sinti efectonan di e paro general caba. For di mainta trempan, varios lugar ta paralisa, scolnan sera y transporte gran parti paralisa. Pa completa e obra, varios parti na Corsou no tin coriente debi cu varios persona cu mester atende cu sierto centralnan, no a presenta na trabou. Cierto grupo di polis tambe ta den welga, mientras cu otronan no, dependiendo di nan afiliacion cu un of otro sindicato. Mes momento tin dos caso den corte awe mainta, relaciona cu e paro general aki. Uno ta 8'or cu ta di e doño di e contratistanan cu kier pa para e welga y pone trahadonan reanuda trabou. E otro caso ta pa 11'or unda cu sindicatonan ta hiba gobierno corte pa bringa e ley cu ta stroba nan di tene accion.