Paro general na Corsou ta inicia 7'or diahuebs mainta

WILLEMSTAD - Un total di 23 sindicato ubica den 7 sede, lo inicia e paro general na Corsou diahuebs mainta cuminsando pa 7'or. Mientras cu no ta sigur riba e situacion di awa, coriente y gasolin, tin siguransa cu scolnan lo ta cera diahuebs. De hecho, minister di enseñansa a manda carta pidiendo mayornan pa tene yiunan na cas. Algun actividad a keda cancela pa den curso di dia, y hospital y otro sitionan crucial a tuma medida di precaucion. 

CARTA PA MAYORNAN

Den un carta pa mayornan, minister di enseñansa a manda e siguiente carta pa mayornan."Siguiendo e akontesimentunan di e último oranan, i despues di hopi deliberashon minister di enseñansa a tuma e desishon pa pidi mayornan pa tene nan yu (nan) kas-mañan djaweps 15 sèp 2016-pa evitá pa e mucha (nan) kai den situashonnan peligroso".

CARTA DI SINDICATONAN

Mientrastanto a bay un invitacion pa tur trahado pa acudi for di 7'or na e 7 cedenan di mobilisacion siguiente.  

ABVO/

ABVO-STRAF-HORECA-STS-BEBA.

SSK/

PWFC-SGTK

RUST & BURGH/

SEU-STK-STKO-STTK-SITKOM

BTG/

BTG-CBH OVP/STSK

UGTK/

UGTK(CADMU)

SITEK/

SITEK-CBV-SEBI

STU(Tur kaminda)

E LUCHA DI 3 PUNTO

Trahadonan no afilia na sindicato tambe a wordo pidi pa uni, si nan ta sostene e lucha di e siguiente 3 punto nan, y por acudi na un di e centro di mobilisacion. E tres puntonan ta : 1. Lucha di e trahado di contratista riba tereno di refineria 2. Landsverordening optimalisering overheidsgelieerde entiteiten.3. Decreto cu minister di hustisia a minimalisa sindicalista nan di manifesta.