Banco Central di Aruba ta informa publico riba biyete falso di 100 florin

Posted on 9/12/2016, 7:49 PM AST | Updated on 9/12/2016, 11:00 PM AST

ORANJESTAD - Banco Central di Aruba a informa cu recientemente a constata cu tin biyete falso di 100 florin den circulacion. E problematica aki tin e debido atencion di Banco Central di Aruba. Ta importante pa e publico keda alerta y pone bon atencion riba e siguiente informacion y e diferencianan entre e biyete legitimo y esunnan falsifica:

Por nota cu tur biyete falsifica haya te awor ta visiblemente falso. E biyetenan falso ta copia riba un papel di calidad inferior y e colornan tambe ta di calidad inferior. E biyete falso di 100 florin tin como number di serie 0874824354. E biyetenan falsifica aki no tin e watermerk di electrotype (e dibuho di Watapana/Dividivi) cu ta bira visibel den tononan cla y scur den e papel ora tene e biyete contra luz. E folie di plata ariba e biyete falso no ta mesun lombrante ni visibel manera ta e caso den e biyete legitimo. E hilo di seguridad na e banda dilanti di e biyete ora bo tene contra luz no ta bira visibel manera ta e caso den e biyete legitimo. 

Conforme e Codigo Penal di Aruba, hues por dicta sentencia penal di maximo nuebe aña den prizon pa falsificacion di nos biyete di florin.

Foyeto tocante e caracteristicanan di autenticidad di e biyetenan ta obtenibel na Banco Central di Aruba y ariba e website di Banco Central di Aruba (www.cbaruba.org), como tambe na tur banco comercial. Pa mas informacion por tuma contacto cu departamento di Kas & Kluis di Banco Central di Aruba na telefon 525-2139 / 525-2141.NOTA: E biyete presenta, ta uno autentico.