Peter de Witte ta retira como Korpchef na St Maarten

PHILLIPSBURG - Alto comisario di polis Peter de Witte ta bandona su funcion entrante 1 di january 2015. Segun e comisario, e la cumpli cu su promesa pa traha algun anja (5) den e cuerpo, y lo laga e funcion na su debido tempo pa un persona local asumi e funcion. Y segun de Witte, e la indica cu esaki ta e tempo perfecto pa haci esey. E la keda apunta pa Minister Magaly Jacoba na 2010 y na 2015 lo cumpi 5 anja den e funcion. E la mustra si cu e tin un contracto di tempo indefini, pero ta kere cu esaki ta e momento corecto pa retira. No ta conoci ki funcion e lo tuma y ni si esaki ta na St Maarten of Hulanda mes. 

De Witte tabata Alto Comisario di polis di pais Aruba for di 2006 te 2010 prome cu e la haya e funcion na St Maarten. NoticiaCla a compronde cu e lo por ta un candidato pa bira e proximo hefe di prison na Aruba, pero no por a confirma esaki ainda.