Caso di tiramento ta laga 2 dama morto na EM City Hotel

WILLEMTAD - Otro caso lamentabel di asesinato cu ta laga dos morto mas, registra na Corsou. E biaha aki ta na EM City Hotel (antes Howard Johnson Hotel) na Brionplein. Polis mester a acudi rapido pa un caso di tiramento na e hotel aki. Na yegada di polis y ambulance di FKA, a bin topa cu 2 dama cu no ta dunando señal di bida mas. Un di e dama nan aki, ta drumi morto, cu un arma di candela den su man. Informacion preliminar ta indica cu kisas esun dama lo a tira e otro dama y despues pone fin na su mes bida. Autoridad ta haciendo varios investigacion caba na e sitio. NoticiaCla.com ta manda palabra di forsa na famia di e fayecidonan.