Polis investigando accidente fatal number 7 na Cumana

ORANJESTAD - Diasabra pa mas o menos 6or di mainta a sosode un accidente grave entre un auto y un scooter na altura di Codemsa na Cumana. Den un situacion grave ambulance a transporta e motociclista pa hospital. Pero lamentablemente pa 7:13 am Dokter Snoek a constata morto di Jose Luis Bedoya-Gaitan naci na Colombia dia 13 di september 1953. Por bisa cu chauffeur di e auto envolvi ta un polis. Conforme ley y pa garantisa e transparencia necesario, a haci prueba pa midi nivel di alcohol den rosea, di cual e test a duna como resultado 0 UGL, cu ta nifica nada di alcohol. 

Fiscal a dicidi di tuma e curpa di e motociclista den beslag pa mas investigacion. Cuerpo Policial ta expresa palabranan di condolencia na famia di e fayecido. Esaki ta bira e di 7 victima fatal den trafico pa e aña aki..