Abo ta cla pa gana bo ticket pa bay Caribbean Sea Jazz festival?

ORANJESTAD - E aña aki Caribbean Sea Jazz festival ta bay ta un cu bo no kier perde cu artistanan renombra manera Kool & The Gang, Jon Secada, Izaline Calister y mucho mas artistanan internacional y tambe local cu lo presenta durante dos dia september 23 y 24. 

Y abo tambe tin e chens pa gana bo ticket pa ta den e ambiente cu Caribbean Sea Jazz Festival. Unico cos bo mester haci ta saca bo telefon y saca un selfie. CSJF t'ey bek cu nan “Caribbean Sea Thru Campaign”

Durante e dianan aki lo bo wak algun representantenan di CSJF ta parti flyers. E flyersnan aki ta transparente y tin varios instrument riba nan. Bini hunto cu bo amigonan y saca algun pics cu e flyer pa asina bo tambe participa pa gana bo ticket pa Caribbean Sea Jazz Festival. Unico cos cu bo mester haci pa participa ta post bo pic riba Facebook y pone e Hashtag #jazzaruba16. E potretnan cu mas Likes & Shares por gana 2 VIP Tickets, 4 General Admissions of 2 General Admissions.

Sea creativo y pasa un rato pret cu bo amigonan y participa pa gana bo ticket pa bo no keda afo di e miho ambiente cu Caribbean Sea Jazz festival so por trece. 

E “Caribbean Sea Thru” flyersnan y ticketsnan ta obtenibel na Superfood, Valero Boulevard, Valero Essoville, Plaza Bookshop, The market at Alhambra, Café The Plaza, Moomba Beach, Red Sail Sports, De Palm Tours, Pelican Adventures y Purple Entertainment Group. Pasa busca dibo awe mes y cuminsa saca selfies cu Caribbean Sea Jazz Festival.