MEP: Ningun momento partido a laga Xiomara Ruiz cay

ORANJESTAD – Ningun momento partido MEP a laga su miembro Xiomara Ruiz Maduro cay. Esaki ta reaccion di lider di partido MEP riba e articulo den un medio local diabierna ( wak e articulo aki) , indicando cu e partido lo a bira lomba pa Ruiz despues cu esaki a haci algun declaracion reciente na un canal di television internacional riba Aruba. E declaracionnan aki a wordo considera como denigrante segun hopi, y cu no lo tabata positivo pa Aruba. Segun Wever, Aruba tin problemanan mucho serio aworaki pa periodistanan hunga wega infantil asina, reaccionando riba e articulo den e medio ey. “ Cu politiconan di AVP ta hasi tur cos posibel pa desvia atencion di e situacion real na Aruba ta di compronde. Pero cu prensa tambe ta hunga e wega ey ta di lamenta” Wever a sigui bisa. “Miho AVP cuminsa atende cu e problemanan real y stop di hasi cosnan pa desvia atencion. MEP ta mas uni cu nunca, e cooperacion entre e parlamentarionan ta mas fuerte cu nunca, y esey obviamente tin AVP hopi molestia.” Wever ta finalisa bisando.