Cuater fraccion a entrega amienda 'nobo' riba union civil

ORANJESTAD - Cu e intencion pa yega na un amienda cu tur partido por biba cu ne, tur 4 fraccion a reuni den un senioren convent diahuebs merdia cu a dura algun rato. Segun parlamentario Desiree de Sousa Croes a splica NoticiaCla.com, 4 fraccion a reuni for di 1'or di merdia con pa yega na otro. "Tin un proyecto riba mesa cu nos ta mira mas laat si ta vota riba dje" de Sousa a bisa. "Esey no ta sigura cu ta vota p'e, pero e ta bay wordo entrega si na nomber di tur fraccion" de Sousa a sigui bisa. Y pa cuarto pasa di 6, enberdad Marisol Lopez Tromp a entrega e amienda en cuestion. Segun de Sousa, e tabata un cuestion di 'give and take'. "Pami loke ta mas importante ta cu ela keda den boek 5, pues e ta trata di hende y famia cu e tin e derechonan". 

Pa loke ta e diferencia di e amienda original y e version '# 3', de Sousa ta considera cu el a entrega hopi. 'Ma give hopi mes. E tabata hopi duro, y mi tin hopi dia pa wak con ta yega na otro" e parlamentario a bisa. E ta confirma cu semper e tabatin por lo menos 7 pa 8 colega parlamentario cu nan ta pro e prome amienda caba. "Mi ta hopi agradecido na e grupo aki. Pero ya, cu 7 of 8 bo no ta yega", de Sousa a confirma tambe. Pa loke ta e grupo den tribuna cu ta sostene e amienda, de Sousa a confirma cu e ta den consulta cu nan constante. "Nan tambe ta critico. Mayoria ta (di acuerdo) y ta bisa cu por lo menos nos tin algo. Pero tin un grupo grandi tambe cu a duna (mucho) hopi" e parlamentario a sigui bisa. E ta mustra cu por a tuma e caminda di para duro, pero elo a wordo ' weggestemd'. "E amienda ta riba mesa, y ta keda riba mesa (e di dos). Aworaki tin un uno adapta y momento cu e wordo entrega, mi ta retira esun dimi. E ora nan ta bay vota p'e" Pero si no vota pa e amienda, e ora e ta considera esey como 'einde oefening'. "Mas cu esaki mi no ta bay duna, sino bo ta perde tur cos". E parlamentario ta considera cu por lo menos 80% di e amienda original a keda. "E ta keda un geregistreerd partnerschap, e ta den boek 5" de Sousa a bisa. 

Loke tabata e problema mas grandi di e amienda original segun de Sousa, tabata e asina yama 'schakelbepaling', cu ta 'trek recht samen' tur e derechonan. Mesun derecho di matrimonio ta wordo duna na geregistreerd partnerschap. "Mi por a biba cu e hecho cu nos a sak'e afo, pasobra e ta wordo verwerkt den un toelichting, cu ta compaña e ley. E consecuencia ta bay ta mesun cos". Mes momento ta pidi minister den un amienda pa tur e cambionan wordo aplica prome cu fin di a aña aki caba incluyendo e union civil.