Tweede Kamer fada di deficit Wardacosta

DEN HAAG – Tweede Kamer tabata unanime durante e debate riba Wardacosta Teritorio Caribense pa tapa e buraconan den e presupuesto di forma structural. Door di diferencianan den tasa di cambio a surgi un defisit presupuestario di 3,25 miyon euro den 2015.

Ministerio di Asuntonan Interno y Relacionnan di Reino a compensa esaki parcialmente, pero Wardacosta mes mester a economisa 650.000 euro acerca.

Pa e motibo aki Defensa ta economisa riba, entre otro, e continuacion di investigacionnan di integridad. “Wardacosta ta temporalmente menos capas pa nombra e riesgunan den su prosesonan interno”, minister Jeanine Hennis-Plasschaert a admiti caba den juni.

Anteriormente Hennis-Plaschaert a duna di conoce cu e medidanan pa economisa no ta afecta Wardacosta e aña akí. Si e diferencianan den tasa di cambio bira mas desfaborabel, entre otro e cantidad di dia di nabegashon di Wardacosta lo core peliger. Den su carta pa Tweede Kamer e palabra ‘re-dimensioná’ – establecemento di tarea y responsabilidad di nobo – ta cay.

Venezuela

Esey ta sla cerca diferente miembro di Tweede Kamer, sigur mirando e turbulencianan cu tin na Venezuela. Wardacosta ta sinti su presion di trabou subi pa motibo di Venezolanonan cu ta crusa lama bay e islanan sotavento cercano. Raymond Knops (CDA): E gabinete ta naive y no ta tuma medidanan trankilisante. Esey ta inaceptabel y intolerabel.”

“No por ta cu ta e balor di e dollar ta determina e tamaño di e organisacion, mientras cu e tareanan ta ancra de e Constitucion. Esey ta un mundo robes pa drechi”, e miembro di Tweede Kamer Angelien Eijsink (PvdA) ta bisa.

E minister ta ripiti cu ta ehecuta patruyagenan adicional pa contra-aresta inmigracion ilegal for di Venezuela. Segun e, no tin fluhonan grandi di inmigracion ta formando tampoko for di e pais sur-americano bisiña.

Prinsjesdag

E minister ta haña cu e preocupacion ta hustifica y cu ta absolutamente indeseabel pa e deficit bira structural. E no ta priminti nada, por parti pasobra Wardacosta ta cay bou di e presupuesto di Asuntunan Interno y Relacionnan di Reino. “Mescos cu boso mi tambe kier masha pa soluciona esaki, pues boso warda un rato riba Prinsjesdag.”

Autor Pieter Hofmann  Ret Karibense