Reunion publico riba Codigo Civil a continua awe

ORANJESTAD - Despues cu a pospone e reunion riba Codigo Civil siman pasa, diahuebs mainta 10:45 e reunion a continua. Cu un tribuna practicamente yen di sostenedornan di e amienda pa union civil, e reunion a inicia aunke cu topiconan di otro indole (800 cambio pa trata) cu no tabata necesariamente e amienda riba union civil. E indicacion ta cu gobierno lo presenta un cambio riba e ley mes cu ta pone cu lo no ta necesario pa e amienda mes wordo trata. Pero ainda gobierno no a presenta esaki na Parlamento. E intencion ta pa den curso di dia awe, e ley keda aproba di e cambionan di Codigo Civil.