Mas preshon di trabou Wardacosta door di situacion Venezuela

DEN HAAG - Venezuela ta priminti di bira un topico importante durante e debate benidero riba Wardacosta Teritorio Caribense. Segun gobierno Hulandes ta masha tiki refugiado Venezolano ta bini e islanan. Wardacosta di Corsou ta meld  cu controlnan hustamente a subi dor di e situacion na e pais bisiña. Tweede Kamer ta reuni awe riba Wardacosta.

Te cu awor minister Bert Koenders di Asuntunan Eksterior ta bisa cu ta mantene bista skerpi riba e situacion, pero cu no tin fluhonan di refugiado cu a cuminsa bini for di Venezuela. Mayoria lo busca refugio den otro paisnan bisiña, e mandatario a bisa durante un debate di Tweede Kamer riba 30 di juni ultimo.

Presion di trabou

Informacion obtene na e sitio mes, ta duna un bista un tiki otro. Segun Wardacosta e cantidad di control a subi dor di e binida di refugiado Venezolano. Samsam cu esey e presion di trabou a subi. Diamars un boto cu diesinco refugiado a yega Corsou tambe, Ministerio Publico di e isla ta confirma.

Anto e medidanan pa economisa no ta yuda e causa. “Nan ta corta pisa. Nos mester ta creativo cu e capasidad cu tin”, e bosero di Wardacosta Roderick Gouverneur ta bisa. “P’esey a lanta un taskforce pa traha hunto.”

E taskforce ta consisti di polis, servicio di inmigracion, duana y Defensie. Nan cu nan ta intercambia informacion. “Nos no ta subi awa pa loco, pero a base di informacion nos ta tuma accion dirigi”, Gouverneur ta bisa.

Cerca Marina e presion di trabou no a subi, bosero Maartje van der Maas ta bisa. “Esaki ta nos trabou. Nos ta haña mas peticion si, manera ultimo ey den e caso di e agente policial Ferry Bakx, pero no pa motibo di refugiado Venezolano.”

Intersepcion

Den augustus Wardacosta a intercepta dos boto cu refugiado. Esey ta un aumento, Gouverneur ta bisa, temiendo pa situacionnan ferfelo riba awa. “Ultimo ey nos tabatin un intersepcion di 21 persona den un boto masha chikito. Un caso di hogamento lo por presenta su mes masha lihe e ora ey.

Mas biaha Wardacosta sa tin di haber cu boto cu ta sink, Gouverneur ta relativa. Mayoria biaha ta trata di contrabandista di droga cu ke destrui prueba. “Semper inmigracion ilegal tabata un tarea principal pa nos. Pero el a bira mas dificil.” Den henter 2015 Wardacosta a intercepta diesocho hende sospecha di inmigracion ilegal.

Turbulensia

Na Venezuela tin turbulencia ya pa varios aña. E pais suramericano ta luchando cu retonan economico, politico y social grandi. Siman pasa mas cu un miyon hende a subi caya den e capital Caracas. Via un referendum e demonstrantenan kier cuminsa un proceso pa baha presidente Nicolás Maduro.

Autor Pieter Hofmann  for di partner Ret Karibense