Greta van Susteren ta retira sorpresivamente di Fox News

NEW YORK - E cadena di television noticioso a anuncia retiro di un di e caranan mas conoci di e canal, esta Greta van Susteren. E no ta un desconoci pa Aruba, si corda cu durante e caso di desaparicion di e dama Natalee Holloway na 2005, van Susteren tabata esun cu mas atencion a duna na e caso aki, y a bishita Aruba multipel bes pa raporta riba dje. Den cierto instancia el a te hasta trece e mama di Natalee Holloway, Beth Twitty Aruba. E informacion cu NoticiaCla.com tin, ta cu e retiro no tabata amical y cu ta drenta na vigor for di awe. Conocido periodista Brit Hume lo tuma su lugar. 

RETIRO SORPRESA

Van Susteren a permanece 14 aña na e canal noticioso. E canal a gradici van Susteren pa su añanan di servicio, y a desea e presentador tur clase di exito den futuro. Van Susteren cu tabata hopi activo riba twitter, no a participa e retiro ainda si riba su cuenta. Tin hopi rumor kico por a conduci na e retiro repentino di van Susteren, manera ta wordo comenta den rednan di noticia Mericano. De hecho, durante fin di siman cu a pasa ainda, van Susteren tabata encurasha televidentenan di Fox News pa sigui wak e riba FNC. Pa e motibo ey, su retiro a bin como un sorpresa total.