Reunion publico riba tereno posponi pa motibo di quorum

ORANJESTAD - E reunion publico pa trata e reunion publico riba tereno cu minister Benny Sevinger no por a cuminsa pasobra no tabatin quorum. Un total di 10 parlamentario tabata presente, di cual 2 di partido AVP. Como tal presidente di Parlamento a informa cu e reunion no por a sigui y a pospone esaki pa mas laat awe mainta. E fraccion di AVP no a aparece cu excepcion di miembronnan Chris Dammers y Rene Herde. Segun lider di fraccion di AVP, Rene Herde, ta tradicion cu fraccion cu pidi e reunion, mester presenta completo. "AVP ta yuda e reunion tuma lugar. Pero ta e fraccion cu a pidi e reunion, mester percura pa nan ta completo. Herde ta desmenti cu ta AVP a boycotea e reunion aki. Como tal nan a percura pa tin 2 miembro pa nan yuda cera e quorum. Di parti di MEP, lider di fraccion Evelyn Wever a mustra cu nan tabata completo. "Fraccion di AVP un biaha mas a briya cu nan ausencia den Parlamento! Nan ta nenga di drenta sala pa duna quorum. Berguensa! Reunion no por cuminsa ainda. Mira pa bo mes!" e lider di fraccion a manda como mensahe. Cerca NoticiaCla.com, Wever a bisa "Nos t'ey completo. Ni si nos t'ey completo nos so no por duna quorum pasobra nos no ta yega 11. Nan ta hopi infantil y iresponsabel" Wever a sigui bisa.