Minister Hulandes Henk Kamp a inaugura Statia Solar Park

ORANJESTAD - E parke solar na Statia a keda inaugura diamars 30 di augustus pa minister Hulandes pa asuntonan economico Henk Kamp. E parke ta e ganador di e Inter Solar Award 2016, e premio mas prestigioso den mundo di negoshi solar. Kamp a menciona cu fondonan a wordo aloca pa e fase 2 di e proyecto, cu lo surpasa tur expectativa mundialmente. "Mi ta extremadamente contento cu e logro aki cu ta hasta surpasa e compromiso pa energia renobabel na Hulanda" Kemp a bisa. 

PODER SOLAR

Pa merdia, e instalacion di e poder solar lo produci 90% di e necesidad di coriente di St Eustatius. Anteriormente e isla tabata totalmente dependiente di combustibel fosil pa su necesidad, cu tur consecuencia pa cambio di e clima, segun e minister. Door di expande e facilidad presente cu un capacidad adicional di 2 megawatts, nos lo por provee Statia cu 45% di su energia diario necesario. 

SUNSHINE REAL ESTATE

STUCO a selecta Sunshine Real Estate despues di un proceso intenso di destaho publico, cu a inicia cu un estudio di factibilidad, sigui pa peticio pa e proposicionan. Un total di 17 compania rond mundo a participa na e destaho, di cual 7 a entrega un proposicion substancia. STUCO a firma e contracto cu Sunshine Real Estate pa e parti di ingenieria, obtencion, y cuminsa e proyecto. Sunshine a traha cu Eco Energy, SMA y Schletter como socio di e proyecto. Ministerio Hulandes di asuntonan economico a financia gran parti di e proyecto, hunto cu STUCO. E lo provee riba 20% di e coriente necesario di e isla, y na momento lo tin 100% di penetracion di energia renobabel riba e grid. Ta premira cu e lo scapa STUCO como 800.000 liter di diesel pa aña. 

STUCO

E CEO di STUCO Fred Cuvalay ta ancioso pa inicia cu e di dos fase di e proyecto cu lo haci'e unico na mundo, ya cu e proyecto a gana e Inter Solar Award 2016 pa ta e proyecto solar mas innovativo na mundo!