Bikker: Ministernan mester a trata otro aspecto di Codigo Civil sikiera

ORANJESTAD - E ministernan concerni (Paul Croes y Arthur Dowers) por a bin masha bon y duna acto di presencia y cuminsa contesta otro temanan di e Codigo Civil dialuna. Asina lider di fraccion di PDR Andin Bikker a bisa NoticiaCla.com dialuna. Segun Bikker, ta cada 15 aña ta cambia e Codigo Civil. Berdad cu e amienda di union civil ta un parti, pero uno chikito. Tin asina tanto cambio tin segun Bikker, y el a ilustra esaki tambe durante su 'punto di orden' dialuna. E ta mustra cu e mes a entrega amienda siman pasa den e prome tanda, pa e asunto di herencia cu ta un problema grandi. Ademas el a trata reparticion di bienes cu tambe tin hopi herencia pega. 

Segun Bikker, lo a luci si e ministernan a bin un rato at least, uza dos pa tres ora pa contesta otro preguntanan pa en todo caso duna informacion na pueblo cu no ta solamente un tematica e ley ta regarda, pero cu tin hopi beneficionan civil cu tin.