NBC Today Show a 'rebiba' desaparicion Natalee Holloway

MONTANA - Despues di 11 aña cu su yiu muhe a 'disparce' na Aruba, Beth Holloway ta papia di Natalee Holloway riba television Mericano den 'prime time'. Den un reportahe cu a aparece riba e cadena di television mericano NBC den The Today Show, iniciando un siman basa riba casonan special misterioso, e mama ta rebiba e storia y con ela biba cu e situacion tur e añanan. E biaha aki, diferente na otro biaha, e ta haya atencion 'prime time' mainta durante un di e programanan televisa mas mira mainta na Merca. 

ENTREVISTA

"Bo nunca ta perde e sentimento di perde bo yiu" Beth Holloway. "Tur cos a wordo haci pa purba (localisa) haya informacion nobo" e mama ta sigui bisa. E programa ta sigui cu e repaso di e storia conoci, di kico a sosode. Ta enfoca riba Joran vd Sloot tambe, e sospechoso principal den e caso aki, te na su situacion den prison na Peru. Riba e tantismo raportahe di vd Sloot y confesionan supuesto, Beth ta bisa cu e no tin ningun sentimento pa esey, mirando cu cada bes e (vd Sloot) tabata gaña. "Mi tin mi contesta caba di kico a pasa cu Natalee. Y mi ta contento cu vd Sloot ta cera den prison". 

SENTENCIA JORAN VD SLOOT

E mama no ta considera sinembargo e sentencia di vd Sloot como un sentencia pa e caso di su yiu. "Husticia a wordo sirbi pa Stephany Flores, danki Dios. Pero husticia no a wordo sirbi pa ainda pa Natalee. Esey ta ora cu Joran ta cera den prison na Merca" e mama ta sigui bisa. Riba un eventual deal pa Joran por haya un sentencia reduci, e mama a desmenti esaki. "No tin ningun deal". Awe, Beth ta biba na Montana.