JetBlue cu buelo directo Ft Lauderdale-Aruba na 2017

NEW YORK - Dialuna e aeroliña basa na New York, JetBlue a anuncia cu e lo cuminsa servicio di buelo non stop entre Fort Lauderdale y Aruba otro aña dia 4 di januari 2017. E ta bira e di 3 aeropuerto cu JetBlue ta uza pa buelo directo di Merca pa Aruba, despues di New York y Boston. "Cu buelonan nobo di Fort Lauderdale nos ta haci'e mas facil cu nunca pa yega Aruba, no obstante di unda nos clientenan ta bulando di dje" Dave Clark, vice presidente di JetBlue planning a bisa. 

DETAYES DI BUELO

E buelo di Ft Lauderdale ta sali mainta 11:22 am y yega Aruba 3:24 pm. E lo bandona Aruba 4:20 pm y yega Ft Lauderdale pa 6:25 pm. Tarifa di introduccion lo ta 99$ cada banda. Spirit Airlines tambe ta bulando for di Ft Lauderdale pa Aruba nonstop.