Atraco arma riba turistanan den hotel Perle D'or

ORANJESTAD - Aruba ta conoce otro atraco riba turista. E biaha aki dos homber arma cu cara tapa a atraca tres turista kedando na e boutique hotel Perle D'or na Boegoeroei. Tabata pa mas o menos 8:02 pm cu a drenta un yamada na central di polis cu un atraco lo mester a tuma luga na e sitio menciona. Na yegada di patruya  a pidi di biaha pa atraco team, polis forensico y slachtoffer hulp. Aparentemente 3 hende muher lo mester a wordo atraca den nan camber cu a wordo habri cu un yabi door di un hende muher compaña pa dos hende homber cu un arma di candela den man y cara tapa y nan lo a papia spaño. Nan ta declara cu lo mester a bay cu mas o menos  cu $1000. Nan lo a reconoce e muhe cu a drenta e camber prome. Nan lo ta na Aruba pa un photoshooting pa un calender. Ken cu por a wak algo yama tiplijn di polis 11141.