Alumnonan Unidad Turismo a entrega carta na directie EPI

ORANJESTAD - Alumnonan di unidad di turismo y hospitalidad a marcha di nan departamento pa e oficina di directiva di EPI awe mainta cu un lista di 10 punto cu nan kier pa wordo atendi. Nan ta varia di e fayo di rooster te na forma di comunicacion di e directiva. Na su turno, directiva a invita e directiva di e grupo di alumno, pa delibera un rato cu e directiva di EPI. 

For di e directiva, Yrayka Yanez a gradici e alumnonan pa nan input, y a priminti cu den curso di awe pa dialuna lo trata e carta y e puntonan pa despues debolbe e contesta na e alumnonan. For di e director di Dienst Publieke Scholen, Whitney Kock, el a gradici e alumonnan pa nan intencion, y mas ainda pasobra nan a 'tuma' e problema y haci'e tambe algo di nan, en bes di para na banda grita solamente. Na NoticiaCla.com despues, Kock a mustra cu cos ta den preparacion pa dialuna e lesnan cuminsa normal pa e unidad aki cu ainda falta pa haya les.