Prome caso confirma di Zika di muhe na estado na Aruba

ORANJESTAD - Departamento di Salud publico ta informa cu desde january pa augustus 2016, tabata tin 18 caso sospechoso reporta di hende muhe na estado cu tin Zika di cual:                                                                                                                                                     1 su resultado di laboratorio a sali Zika positivo y e baby a nace sin ningun defecto;  3 ta wardando riba resultado di laboratorio; 14 a sali Zika negativo.

Zika y Embaraso Durante embaraso bo mester tuma precaucion pa no wordo pica door di sangura. Si sangura infecta cu e virus di Zika pica bo  durante bo embaraso e por ocasiona malformacion y microcefalia na feto y pa esey, ta hopi  importante pa bo tuma e medidanan necesario pa evita di wordo pica door di sangura durante bo embaraso. DESPA ta conseha tur hende muhe na estado y hende muhe cu kier sali na estado pa tuma contacto cu nan dokter di cas, ginecologo of partera. E dokter di cas, ginecologo of partera tin tur e informacion necesario encuanto Zika y embaraso. 

Ta insisti si tin cualkier sospecho di Zika, Dengue y/of Chikungunya durante e embaraso, sigui e instruccion nan cu bo dokter di cas, ginecologo of partera ta duna bo y haci bo examinacion nan y controlnan manera a wordo indica.

Pa mas informacion : Departamento di Salud Publico Aruba | Caya Ing. R. H. Lacle #4 |Tel:5224200 of por jama  GKMB  Tel: 5853325 | 5255533. Por bishita nos Facebook page: Departamento di Salud Publico. Sin criadero, no tin sangura, sin sangura no tin Dengue, ni Chikungunya ni Zika!