Otmar Oduber ta topa Jim Hepple pa 'drecha relacion'

ORANJESTAD - Minister di turismo Otmar Oduber a manda un carta y invita CEO di e gremio hotelero AHATA Jim Hepple pa 'bebe coffie' diabierna mainta na su oficina, y purba 'restora' e relacion kibra y 'sigui padilanti cu e partnership. Awor cu e ley di all inclusive a pasa den Parlamento, Oduber a sinti cu ta momento pa drecha e relacion aki y tabata e prome pa saca man pa Hepple y wak con por 'drecha' e relacion cu pa lunas ta kibra. 

"Jim, mi ta saca mi man pa'bo, pasobra e base fundamental pa Aruba su desaroyo exitoso y consistente durtante e historia di Aruba su 60 aña, ta inclui Aruba su partnership priva y publico solido y firme" Oduber ta bisa den e carta. "Mi ta kere cu ta crucial pa nos restora e relacion aki y sigui dilanti cu nos partnership". E ta admiti cu pa e ultimo lunanan, nan a debati y bay bin 'cu conviccion, pasion y perseverancia riba e topico importante aki" Oduber ta sigui bisa. 

No ta conoci si e Hepple a acepta e reunion y te cu e raportahe aki, NoticiaCla.com no a haya confirmacion cu Hepple lo enberdad asisti na e reunion aki.