Polis a localisa auto horta di atraco contra turista

ORANJESTAD - E auto cu atracadornan den marduga a bay cu ne di un turista Hulandes, a keda localisa. Segun vocero suplente di polis Liliana Rasmijn poco rato pasa banda di Springfield Supermarket. Polisnan di San Nicolas conhuntamente cu K9 y Atraco Team ta   investigando y buscando e sospechosonan den e area.

E ATRACO

Manera raporta caba, dos homber arma cara tapa a atraca un turista na San Nicolas. Tabata pa mas o menos 4:40 am cu patruya di polis a topa cu un turista hende homber biniendo direccion di warda di polis San Nicolas y a bisa nan cu ela caba di wordo atraca den caya di San Nicolas un rato prome. E la conta cu e ta wardando su amigo den auto den e caya di San Nicolas y diripiente dos hende homber color scur cara tapa y arma a bula den auto pone e arma patras di su cabes y a pone core e auto y  na mitar di e caya nan a maltrat'e y push'e bent'e pafo di e auto  y a los un tiro. Un di e atracador tawata tin dread locks  bisti cu trainingspak shinishi y un petchi. E otro atracador  tawatin un polo shirt roos bisti, jeans. E atracadornan a sigui bay cu e auto. E ta un Toyota Yaris zilver numera A-61661. E atracadornan a bay cu su telefoon tambe. E atracadornan lo mester a papia ingles. Polisnan a hiba e victima  warda y eynan atraco team a tuma e caso over. Slachtoffer hulp tambe a bin pa asina brinda asistencia na e turista Hulandes cu a keda hopi spanta mes. Ken cu por a wak algo yama tiplijn di polis 11141.