Studiantenan EPI lo expresa nan malcontento diabierna

ORANJESTAD - Studiantenan di EPI lo protesta diabierna mainta pa asina mustra nan mal contento pa e situacion actual na e scol. Nan lo haci esaki pa medio di un marcha for di nan unidad di turismo y hospitalidad pa e oficina di e directornan pa personalmente entrega un carta cu ta mustra nan preocupacion. 

CARTA

Den un carta cu e council di studiantenan a manda pa tur studiante di EPI, nan ta clarifica algun detaye regardando e situacion cu ta trata e schedule di e scol, e managernan y gobierno di Aruba. "Tin e percepcion cu e accion di e managernan di EPI ta den accion ta pa motibo di nan salario. "Esey no ta e situacion", e studiantenan a clarifica den e carta. "E situacion actual ta regarda un areglo cu a wordo priminti na e managernan di EPI 10 aña pasa cu ainda no a wordo cumpli cu ne" e carta ta sigui bisa. "Durante aña gobierno a ignora e areglo aki no obstante e intento di e managernan". Como tal a invita tur studiante pa ta presente diabierna mainta na e unidad di H&T. " Un carta formal lo wordo manda pa e directornan pa informa nan di e situacion. 

SITUACION TENSO

Managernan keto bay ta na welga y situacion ta birando tenso, manera cu NoticiaCla.com a compronde. Directie di EPI ta mustrando di kier haci milager tapando tur buraco pero esaki no ta funcionando, segun NoticiaCla.com ta wordo bisa. "Ta obvio cu presencia di managernan ta necesario pa funcionamento di e scol. Ya cu Directie publicamente, via facebook di EPI a laga sa cu nan ta para enseñansa cerando un Unit dos dia pa haci trabou di manager.