Dos homber a tira atraco riba turista Hulandes

SAN NICOLAS - Dos homber arma cara tapa a atraca un turista na San Nicolas. Tabata pa mas o menos 4:40 am cu patruya di polis a topa cu un turista hende homber biniendo direcion di warda di polis San Nicolas y a bisa nan cu ela caba di wordo atraca den caya di San Nicolas un rato prome. Ela conta cu e ta wardando su amigo den auto den e caya di San Nicolas y diripiente dos hende homber color scur cara tapa y arma a bula den auto pone e arma patras di su cabes y a pone core e auto y  na mitar di e caya nan a maltrat'e y push'e bent'e pafo di e auto y a los un tiro. Un di e atracador tawata tin dread locks bisti cu trainingspak shinishi y un petchi. E otro atracador  tawatin un polo shirt roos bisti, jeans. E atracadornan a sigui bai cu e auto. E ta un Toyota Yaris zilver numera A-61661. E atracadornan a bay cu su telefoon tambe. E atracadornan lo mester a papia ingles. Polisnan a hiba e victima warda y eynan  atraco team a tuma e caso over. Slachtoffer hulp tambe a bin pa asina brinda asistencia na e turista Hulandes cu a keda hopi spanta mes. Ken cu por a wak algo yama tiplijn di polis 11141.