Hungado di Lotto di Dia a gana 105 mil florin

ORANJESTAD - Diabierna 19 di augustus, Edna L. a hunga y a gana e jackpot di Lotto Di Dia. Edna tawata den wega cu un combinacion di numbernan loco, cu e wega tan gusta Lotto Di Dia. Masha contento el a pasa Oficina di Lotto pa asina busca su check di 105.000 florin. E ticket ganado a ser na Suemar Lottery na Paradera y e numbernan ganado tabata: 03-04-09-16-21.

Lotto Di Dia ta un wega cu ta hunga tur dia, di dialuna pa diadomingo. Tur dia tin chens pa gana dies miles di florin cuminsando cu solamente 2 florin pa cada ticket. Bo por kies bo mesun 5 numbernan di suerte di 01 pa 31, of simplemente pidi bo rebendedo pa ticket di Lotto Di Dia loco. Lotto ta invita'bo tambe pa purba e wega adicional cu yama Facilito. Cu Facilito bo por gana placa cash y na e mesun momento di cumpra bo ticket, pues instantaneo. Facilito ta costa un florin mas.

Lotto, e loteria di Aruba tin diferente wega; Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega y su Mega Plus y e diferente weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.