Oduber: WEB a actua liher dialuna pa evita un otro blackout total

ORANJESTAD - Net ora cu Parlamento kier a cuminsa cu e tratamento di e buki di Codigo Civil, coriente a bay y a bin resulta cu na varios parti di nos isla esaki tabata e caso. Director di WEB Luis Oduber a splica NoticiaCla.com cu tabatin dos feeder di Elmar mester a wordo desactiva debi na un problema cu un otro turbina na WEB (turbina 3) cu spontaneamente a 'trip'. Ora cu el a trip, e operadornan a reacciona rapido y pa evita un posibel daño mas grandi cu por a desemboca den un blackout, a schakel uit dos veld cu ta balansa e perdida e momento ey. Esey a resulta cu esun di ELMAR 3 y 6 tabata parti di Oranjestad y Palm Beach y Paradera. Awor ta investigando kico a pone cu e turbina aki a trip. E otro problemanan di coriente tabata fayo di red di distribucion di ELMAR.