Pre- requisite test curso lifeguard dia 6 di september

ORANJESTAD − Cruz Cora Aruba ta cuminsa un ciclo nobo di su curso di American Red Cross Lifeguarding dia 6 di september cu un Pre-requisite test na Community Pool na San Nicolas. Aki ta determina si e persona por sigui cu e curso di 35 ora durante e siguiente simannan. Edad minimo pa participa ta 16 aña y tin un costo di AWG. 750,= pa e curso completo. Dianan di les practico ta tuma lugar na piscina di Community Pool y lama. Lesnan teoretico ta tur siman den e Henry Dunant Learning Center di Cruz Cora Aruba, Pedro Gallegostraat 12.

E curso ta capacita e cursista cu conocimento y abilidadnan pa ta prepara pa un variedad di scenario riba tera y den awa. E cursista lo siña con un actua liher y preparacion efectivo ta un clave vital di un Lifeguard mientras tambe lo compronde elementonan crucial ora di yuda preveni hogamento y lesion.

Por inscribi pa e Pre-Requisite test na oficina di Cruz Cora tel. 582-2219 of via e-mail: info@redcrossaruba.com