Ley pa regula all inclusive aproba den Parlamento

ORANJESTAD - E ley pa regula all inclusive a keda aproba diamars atardi net despues di 6'or cu 12 voto na fabor y 8 contra. Despues cu ela cuminsa diabierna siman pasa, pero keda posponi te cu awe, e tratamento a continua awe mainta cu e di dos tanda di pregunta y contesta. Ya parti atardi a repasa tur pregunta, 7 mocion y 3 amienda, pa despues pasa pa e votamento. Cu e aprobacion di e ley di all inclusive, ta nifica cu e concepto aki lo keda regula segun stipulacion.