Rudy Lampe ta pidi intervencion di Hulanda na Aruba

ORANJESTAD - Rudy Lampe (lider di partido Red Democratico) ta apoya Algemeen Maatregel van Rijksbestuur. Despues di basta tempo e ex pader y awor (ainda) politico ta mustra cu e ta un di mas di 10 mil ciudadano cu a firma pa sostene Gobernador y . Como ehempel, Lampe ta usa como ehempel, e situacion di 2009 na Turks and Caicos Islands, -cu ta colonia di Inglaterra- , ora e gobierno britanico a disolve gobierno y parlamento di e territorio aki y impone un gobernador. E la goberna durante dos aña y despues di a cumpli cu su mision e a keda nombra embahador na un pais importante. E sistema político di e islanan tabata asina corumpi cu no tabata tin un solucion interno mas. E mesun situacion ta na Aruba.

Según Lampe, e mes di Aruba a purba cu e Rapport di Comision di Berdad y nunca su recomendaccionan a keda ehecuta. Despues Hulanda a bin cu e WODC rapport contra e mal gobernacion di MEP y e no a keda ejecuta. “Por fin a bin via un KB e rapport di Cft cu lo keda cla pa medio september ya cu ta apenas e siman aki Gabinete Eman mester a baha cabez y riba insistencia di minister Bermudez a duna autorizacion pa tur ambtenaar coopera cu Cft” Lampe ta bisa. Según Lampe, Mr. Angel Bermudez cu supuestamente lo ta un persona di confiansa di Hulanda, lo ehecuta e recomendacionnan di Cft. E prome intervencion aki di Hulanda via un Cft, cu ta conta 100% cu apoyo di Lampe pa planta respet pa e placa di pueblo, no ta suficiente.

Pero segun Lampe, no ta AVP so ta un problema sino oposicion tambe. Aki e ta mustra con tanto MEP como Democracia Real ta presta nan mes pa cosnan ilicito y como tal ta considera nan ‘een pot nat’.Kita AVP pa pone MEP ta manera sali for di planchi y cai den candela, e ‘quitate tu pa poneme yo’ no ta un solucion, segun Lampe. Como tal e solucion mester ta externo, cu Gobierno di Reino (de facto Hulanda) bin cu Un Algemeen Maatregel van Rijksbestuur. Foto Rudy Lampe ta filefoto cortesia RNW.