Dama ta bira di 6 morto den trafico na Sta Cruz

ORANJESTAD - Aruba ta conoce su di 6 morto den trafico. Tabata pa mas 9:10 di awe mainta central di polis a haya un yamada cu un accident hopi pisa lo mester a cab'i pasa na altura Sta Cruz na altura di Sta Cruz barbershop. Na yegada di  patruya ta bin topa cu un auto Nissan Sentra beige numera A-38635, gebolter den cura di un cas. Den dje tabatin tin 3 persona femenino. Un tawata mustra levemente herida y e otro dos nan tawata pega den e auto. A pidi di biaha pa material wagen, ambulance y departamento di trafico.  A logra saca e di dos hende muhe fo'i di e auto y a transporte cu urgencia pa hospital. E otro señora si cu ta e chauffeur e personal di ambulance no por a haci nada mas. Pa 9:55 dr Mungra ta constata morto di L.S.G.A.   di 54 aña di edad naci na Colombia.  Esaki ta di 6 morto den trafico. E caso ta bou investigacion door di departamento di trafico pa saca afor ki exactamente por a pasa. NoticiaCla ta manda palabra di forsa na famianan di fayecido.