Atraco arma riba comerciante na Sabana Liber

ORANJESTAD - Increible pa kere pero den 5 ora tabatin no menos cu dos atraco contra comerciante. Despues cu pa 8:40 a raporta un intento fracasa di atraco, pa mas o menos 1:10 di awe madruga jamada ta drenta via centrale post cu un atraco a caba di tuma lugar na Sabana Liber na un cas di comerciante. Na yegada di e patruya a topa cu e doño na unda e ta bisa cu un rato prome e lo a wordo atraca jegando cu cas cu su yui chikito den man. Dos hende homber cu cara tapa lo a saca arma di candela  y pidi'e pa su placa y hinke den su cas y a reboltia cas y a bai cu un iphone mas $20 . Nan lo a bai den un toyota celica A-56111 color preto.  Patruyanan a sali den buskeda di auto y atracadornan y a bin topa cu e auto para na dam di Moko . A detene un persona na e sitio y a bai cune warda pa mas investigashon y a tuma e auto celica den beslag pa mas investigashon. Atraco team BFTO y slachtofferhulp  a jega na e sitio sucedido.  Ken cu a wak algo jama  tiplijn 11141 .