Seis partido nobo y uno 'bieu' ta bay eleccion na Corsou tambe

WILLEMSTAD - Seis partido nobo y un partido bieu ta participa na e proximo eleccion parlamentario di Corsou. Den fin di siman partidonan cu no tin asiento den Parlamento actualmente, mester a pasa den un proceso di eleccion pa logra acumula e total di 870 firma/voto. Di esakinan pues tin 7 partido cu ta uni na esnan existente (cu asiento den Parlamento). Di nan, e partido di Amparo dos Santos a logra mas voto, esta 2178. Partido 'bieu' Democraat a logra 1094 voto cu ta duna nan derecho pa participa tambe.  

PARTIDONAN NOBO

Un total di 15 partido 'nobo' a participa na e proceso pro electoral pa logra e suma di 870 voto/firma. Esey ta e cantidad legalmente determina cu ta 1% di e cantidad di votadornan cu a bay eleccion na 2012. Cu e resultado aki, un total di 13 partido lo participa na e eleccion dia 30 di september proximo. E partidonan actual den Parlamento, esta Pueblo Soberano, PAIS, PNP, PAR, MFK y MAN ta haya competencia di sea ex politico y of ex ministernan. 

EX POLITICO

Entre e ex politiconan tin Omayra Leeflang cu Un Kòrsou Hustu (1361) y ex-miembro di PAIS Marilyn Moses cu Movementu Progresivo (1240). Ex-parlamentario pa MAN Charles Cooper cu su partido PAS (1543) tambe t'ey, y ex premier Ivar Asjes cu Pro Kòrsou (965) y ex minister Rene Rosalia cu Kousa Promé (1122).  

Fuente y colaboracion pa e relato ta di Dick Drayer, y blog 'De achterkant van Curacao'. Foto cortesia Dick Drayer.