BLT Steak restaurant ta celebra nan prome aniversario na The Ritz-Carlton, Aruba

ORANJESTAD – En cooperacion cu ESquared Hospitality, The Ritz-Carlton, Aruba ta orguyoso pa anuncia cu BLT Steak restaurant ta celebra su prome aña di aniversario awe. BLT Steak ta conoci ful rond di mundo y a habri su portanan na Aruba riba 20 di augustus 2015, e di dos restaurant den Caribe despues di e exito di BLT Steak na The Ritz-Carlton, San Juan.

Segun Steven Redkoles, General Manager di The Ritz-Carlton, Aruba “Nos ta sumamente contento pa celebra BLT Steak su prome aniversario y e exito despues di presenta na Aruba un restaurant asina famoso y sofistica.”Cu mas di 15 lokaal den cuidadnan mas popular di mundo, incluyendo Hong Kong, Tokyo y New York, BLT Steak ta ofrece un ambiente unico como Steakhouse Mericano y su fundacion ta basa riba su estilo moderno y servicio excepcional. Cu un award-winning lista di biña, cerbes y cocktails robusto, e otro must-try elemento nan di BLT Steak ta e famoso popovers, seleccion di Certified Black Angus y USDA Prime steak, y e Blackboard menu semanal cu creacion cu ta inspira door di nos sabor local, uzando e ingredientenan mas fresco.

BLT Steak situa na The Ritz-Carlton, Aruba ta ofrese opcion nan pa cena paden den e restaurant espacioso y elegante, y tambe opcion pa come den teras pafo cu bista di nos dushi lama. Pa un cena mas priva BLT Steak ta ofrece un area priva pa ocasion nan special.

Pa e celebracion di prome aña aniversario, nos ta invita comunidad di Aruba pa bin disfruta di BLT Steak su special ‘Sunset Menu’ di 6:00 p.m. te cu 6:45 p.m. pa $55, ta inclui opcion di un appetizer, un main course, un side dish, y un dessert. Mucha nan tambe por disfruta di e menu aki cu un entree, side dish, dessert, y un bebida pa solamente $12.

Y pa gradici nos comunidad di Aruba pa tur e apoyo y sosten, BLT Steak kier invita nos localnan pa pasa bishita y disfruta di un cena cu 20% rebaho riba ful e cuenta.