Commandeur Pieter Boer School ta haya director nobo

ORANJESTAD - Commandeur Pieter Boer School ta haya director nobo despues cu Mirna Hoen ta baha cu pensioen despues di 40 aña di servicio. Ta prome dia cu Sonja Gerardo Goedhart ta fungi como cabesante di e scol. Y despues di 40 aña di servicio den enseñansa, Mirna Hoen ta tuma despedida di e alumnonan. Hunto e dos damanan aki a yama e studiantenan bon bini y desea nan lo miho den e aña escolar 2014 – 2015. Mayornan tambe a keda hopi contento cu e cambionan na Commandeur Pieter Boer School y ta laga e muchanan cu tur siguransa den man di expertonan den enseñansa di mucha.