Atracado ta maltrata anciano malamente na San Nicolas

SAN NICOLAS - Un homber a keda severamente maltrata na San Nicolas. Tabata pa mas o menos 00:30 di marduga cu a drenta un yamada via centrale post cu na Pastoor Hendrikstraat na San Nicolaas un hende di edad lo mester a wordo maltrata severamente cu un arma blanco. Na yegada di patruya a mira e sospechoso coriendo drentando mondi, na unda polis di districto Sta Cruz a bin yuda. Ta asina cu e persona hende homber aki lo mester a purba di atraca e anciano den su cas, pero no a logra. Si e la maltrate severamente na unda e la keda hospitalisa cu basta sla na su curpa. E sospechoso tabata mas o menos 1.80 m di altura, color scur cu un capuchon cora bisti. Atraco team tin e caso y ken cu por a wak algo por fabor contact e tiplijn di polis cu ta 11141.