Diasabra awor Family Fun Day na Renaissance Ocean Suites

ORANJESTAD – Renaissance Ocean Suites ta invita henter comunidad di Aruba pa cera conoci cu nan pool area nobo; lo inaugura ‘Sole’ pool bar y ‘Fresco’ restaurant. Disfruta di un ‘family fun day’ combina cu un "Summer Launch party" yena cu actividad pa henter famia rond di e pool area nobo di Ocean Suites.

Diasabra proximo acudi cu henter famia rond di e pool di Renaissance Ocean Suits y admira e ‘Sole’ pool bar recien renoba. Esaki ta un oportunidad perfecto pa purba di e tremendo menu di ‘Fresco’ restaurant cu tambe ta nobo. E ‘pool party’ na Renaissance Ocean Suites ta start 3’or cu animacion di Dj Yeimy. Lo bay tin un kids corner cu trampolin, dino jump y hopi otro wega acuatico den pool. Adultonan lo por competi den un ‘Beer Drinking contest’, ‘Hotdog Eating contest’ y ‘Best Bikini contest’. Ocean Suites lo reparti cada ora un dushi snack conhuntamente cu un bebida special y pa e muchanan lo tin popcorn y cotton candy completamente gratis! 

E popular Food Festival lo ta entre 5’or di atardi y 7’or di anochi cu animacion di e banda Honey Pot. Diferente restaurant lo ofrece platonan delicioso pa henter famia; saboria platonan di e.o Cuba's Cooking, Sidebar, Cilo, Aquarius, Sushi Ya, Cafe the plaza, BLUE, Papagayo, LG Smith's Steak & Chop House, Sole y esun di mas nobo, Fresco.

Art Fair lo conta cu artistanan manera Trudy lampe di the Island shop, Danilo Geerman, Kala, Alonso Williams, Noemi Geerman di Awa Salo, Jess Wolff di Bohemian Freaks, Amany & Anna  

Joyride Band lo anima entre 8’or y 11’or di anochi mientras cu publico ta cana admira y cumpra obranan di arte manera, pintura, potret, souvenir, joyas y mucho mas den e Art Fair presenta pa artistanan local. E Art Fair lo ta habri for di 6:30 di atardi te cu 10:30 di nochi.  Aruba ta invita pa celebra e dia cu famia na Renaissance Oceans Suites cuminsando for di 3’or di atardi cu inauguracion di ‘Sole’ pool bar y ‘Fresco’ restaurant.