Churandy Martina ta clasifica pa final di careda 200m

RIO - Henter Corsou, Aruba y si, Hulanda tambe, tabata den euforia diaranson anochi ora cu e yiu di Corsou Churandy Martina a logra clasifica pa e final di e careda di 200m na Rio. Biniendo di patras, el a sa di yega como number dos, cu ta dun'e e derecho di pasa pa final hunto cu Alonso Edward di Panama, coriendo cu velocidad di 20.10 seconde, 3 seconde tras di Edward. Su reaccion tabata mas interesante ainda, ora cu el a gradici Corsou, pero tambe e pais cu oficialmente e ta representa, esta Hulanda, gradiciendonan pa a pone e wekker pa nan por a mir'e den accion (ora cu Martina a participa, tabata 3'or y mei di marduga na Hulanda). Riba rednan social na tanto Aruba, Corsou y otro partinan di Reino, a nota un euforia di alegria pa e logro grandi aki pa e 'yiu di tera'. Despues di a faya su clasificacion pa e careda di 100 meter, esaki tabata Martina su chens di bin dilanti y logra awor si den esun di 200 meter. Cu su clasificacion, e ta participa den e final diahuebs anochi 9:30 pm, participando hunto cu Usain Bold.